Giosse de Torcolato

Tita el ghe domanda al fiolo:
"Come zela 'ndà a scola sta matina?"
"Male, la ze 'ndà proprio male … la maestra la voléa savere chi che ga copà Giulio Cesare|" "E parcossa no te ghe lo ghe dito?"
"Parché mi no fasso la spia!"

In farmacia:
"A vojo na pomata parché me ga becà na ava"
"Dove te gala becà?"
"A Lastebasse"

L'auto-stopista' la ze na bela tosa… poco vestìa che te ferma quando te sì in machina con to mojere.

"Popà, cossa me regàlito st'ano par Nadale?"
"Cossa te go regalà l'ano passà?"
"Un balon"
"Lora st'ano… lo gonfiemo"

Mi a fasso el bagno tute le matine e, na volta ala setimana, a ghe molo anca l'aqua.
Do prostitute, dopo le vacanse de Nadale:
- Cossa gheto domandà a Babbo Natale?
- Sinquanta euro... come a tuti 'i altri!

El colmo par un marangon?
Ronpare le piale!

L'eredità
"Me zio co l'è morto el ga lassà tuto a l'orfanatrofio"
"Cossa ghe galo lassà?"
"Nove fiui"

"Dotore, quando me vardo al specio a me spavento da quanto ca son grasso".
"Do robe el ga da fare, sior: magnar manco e no vardare el specio"

Toni, in leto drio morire, el ghe confida ala mojère:
"Bisogna proprio ca te lo diga: la setimana passà a te go fato i corni… e me dispiace tanto"
"A lo so, a lo so. Ze par questo ca te go messo el velen tel minestron".

"Come va l'alevamento de polastri?"
"Male. I ze morti tuti"
"Come zela sta?"
"A no so capire. Fursi li go piantà massa vissini"

"Mama, ancò a scola so sta l'unico che ga savudo rispondare ala maestra"
"Cossa te gala domandà?"
"Chi ze che ga messo la puntina da disegno nela carèga?"

"Cossa còstele le càmare in sta pension?"
"O vinti o trenta euro"
"Cossa gale quele da trenta euro?
"La trapola par ciapare le moreje".

"El me can el ze cussì inteligente che tute le matine el me porta a casa el "Giornale de Vicensa"
"Beh, ze tanti i can che lo fa!"
"Si, ma mi non son mia abonà"

El me oroscopo:
Schei: le stele le me sorride;
Salute: le stele le me sorride;
Amore: le stele le me sorride;
Sesso: le stele… le ze acora drio ridare!

A scola:
"Pierino, se to popà e to mama i ze nati nel '72, quanti ani ze che i ga desso"?
"Dipende"
"Dipende… da cossa?"
"Se ghe domando a me popà o a me mama"

La prima note de matrimonio.
"Caro, bisogna ca te lo diga… a go un difeto… a son daltonica"
"Anca mi, cara, a go un difeto da confesarte: A no son mia svedese… a son del Ruanda"

Dal barbiere
"Come mai el ghe spua sul saòn?"
"Eh! Lu, sior, el ze fortunà, ai paesani… ghe spùo diretamente in facia!"

In farmacia
"Vojo na scatola de suposte!"
"Eh no!!. Le suposte le ze in siòpero… e le ga razòn I parché i continua torle pal c…".

Na dona anziana la va dal dotore par un controllo.
"Ndemo proprio ben - dise el dotore - desso la pol tornare a far le scale…"
"Grassie dotore, a non ghin podéa pì de rampegarme su e zo par la gorna"

Do testimoni de Geova i sona ala porta de do vecioti.
El marìò, verta la porta, e el ghe domanda:
"Cossa volìo?"
"A sémo vegnù a portarve la luce!"
"Maria, nden qua che ghe ze quei de l'ENEL..."

"Dotore, mi ogni giorno -cascasse el mondo- ale sete e meza a vo de corpo. No ghe ze qualche medissina?"
"Toni, a te sì come un orologio svissaro. Cossa vuto de mejo?"
"Sì… ma mi'n acorzo ale oto… quando ca me sveio".

Testamento de l'ergastolan:
"Me raccomando, nevodo, serca de 'ndare insieme a tosi bravi e onesti… anca parché ze pì fàssile inbrojarli!"

"Da quando se zemo lassà no dormo pì… né de giorno né de note. Fame un piassere… porteme indrìo el leto"

"Cosa ghe ze de pi bruto par un pipistrelo che dorme?"
"Avere la diarrea"

"In Merica a ghemo inventà el core de plastica!"
"A Venessia naltri invesse… el fegato co 'a seola!

Amicissia sincera
"Ze vero che la Maria ieri la ga conpìo sinquanta ani?"
"Sii…ma… sensa volerlo. "

Robe de l'altro mondo
In un canpo un contadin el vede un ometo verde con le antene in testa, curioso el ghe domanda:
"Cossa gheto nome?"
"E.T.!"
"E no ciò… a son sta mi par primo a domandarte…"

"Dotore, me succede na roba terribile. Me sogmo tute le note ca ghe coro drìo a tose bele, zovane… poco vestìe"
"Cossa vuto de mejo… a te te tiri su el morale!"
"Sì, dotore, ma dopo sento metri a me sciiopa el core… e no me ricordo pì par cossa ca coro"

Barzelletta geografica
El Canada e la Merica i xe larghi e lunghi e, in fondo, i ga na còa, come un imbuto… na inpìria. Par questo me poro nono el me dizeva: Toni.. la Merica la xe senpre sta inpiria-lista.

In riva al mare.
"Ndemo a bevare un caffè!"
"No posso… la me fémena la se ga butà in acua e speto che la vegna fora"
"Ma quanto xe che la se ga butà?"
"Da do… tre ore"

A go capìo, le femene le xé diavoli, ma se no le ghe fusse… la vita sarìa proprio un inferno!

In caserma dai carabinieri:
"Ma come? El vien a denunciare la sparission dela fémena dopo 'na settimana?"
"Cossa volo… a credéa che la fusse 'ndà ciacolare …"



:: Barzelletta ::

"Dotore no ghe vedo, a go bisogno de ociai."
"A credo ben! Sta qua la ze na banca."

"Ze morta me suocera!"
"Poareta!... cossa gavévela?"
"Poco… poco gnente: 'na television vecia, quatro careghe e na tola… tuta incarolà."

Sposete moderne
"Mama, go fato la prima baruffa."
"Ma va la, le ze robe che se sistema."
"Sì, se te vien jutarme a sepelirlo te l'orto."

"Par cossa pianzito, Pierino?"
"Parché co ze rivà la maestra el me compagno de banco el fumava ancora"
"E te pianzi par questo?"
" Eh…son sta mi a darghe fogo …"

Me mojére la me fa senpre da magnare roba che se desfa in boca… mi però vurìa che la la scongelasse prima…

- Me zio l'é un gènio. El ga smontà el motore de na Ferari, el canbio de na Ford, i sedili de na Lancia, l'autoradio de na Citroën…
- E cossa galo fato?
- El ga fato… tre mesi de preson!

Amore eterno
"Toni… varda la luna!"
"Parcossa… Ze ora de inbotiliare el vin?"

Al bus.
Toni, bianco in facia: "Siòr, quando xe che parte la coriera"
Autista: "Parché, galo pressa?"
Toni: "No, ma go on pie soto la rua!"

La speransa la ze proprio l'ultima a morire, parfin dopo la suocera!

Dal dentista
"Dotore, cossa se pol fare par sti dente zali?"
"Métare na cravata maron!"